Almatylyqtar salynyp jatqan úılerdiń zańdylyǵyn telefon arqyly bile alady
21:52, 27 Shilde 2022
ALMATY. QazAqparat - Almatylyqtar salynyp jatqan turǵyn úı nysandarynyń zańdylyǵy týraly Qala qurylysyn baqylaý basqarmasynyń telefon nómiri arqyly bile alady, dep habarlaıdy QazAqparat.
Qala qurylysyn baqylaý basqarmasynyń málimetinshe, senim telefony arqyly salynyp jatqan turǵyn úı keshenderi týraly aqparat alýǵa, qujattar paketiniń bar-joǵyn bilýge bolady. Bul turǵyndardy zańsyz salynatyn úılerden baspana alý qaýpinen qorǵaıdy.
Senim telefonynyń nómiri: +7 (727) 229-81-36
«Kórsetilgen nómir boıynsha dúısenbiden jumaǵa deıin saǵat 09:00-den 18:00-ge deıin keńes alýǵa bolady», - delingen basqarmanyń habarlamasynda.