Almatylyqtar ótkir gaz ıisine shaǵymdandy

ALMATY. QazAqparat- «112» jelisine Almaty qalasynyń Almaly, Áýezov jáne Bostandyq aýdandarynyń turǵyndarynan úı men páterlerde gazdyń ıisi shyǵyp turǵany týraly shaǵymdar kelip túsip jatyr. Onyń sebebin «Intergaz Ortalyq Azııa» AQ túsindirdi, dep habarlaıdy QazAqparat tilshisi.

«Qazirgi ýaqytta barlyq habarlamalardy pysyqtaý úshin gaz qyzmetiniń 7 apattyq brıgadasy iske qosyldy»,- dep habarlady kompanııadan.

«Intergaz Ortalyq Azııa» AQ Almaty qalasy boıynsha magıstraldyq gaz qubyrlary basqarmasynyń deregine sensek,16 qańtarda temperatýranyń +15-qa deıin jalpy normadan aýytqyp, kóterilýine baılanysty gaz tyǵyzdyǵy artqan.

Ol syrtqa shyǵatyn gazdyń azaıýyna ákep soqty. Sonymen qatar, ıis shyǵarý qysqy rejımde saqtaldy.

«Alǵash kelip túsken ótinimderden keıin shyǵatyn qysymdy tómendetý, sondaı-aq ıis shyǵarý normasyn tómendetý týraly sheshim qabyldandy. Bul rette barlyq ótinim boıynsha azamattardyń ómiri men densaýlyǵyna qaýip tóndiretindeı gaz shyqqan joq. Odorant fızıologııalyq turǵydan zııany joq. Qazirgi ýaqytta gazdy retteý jumystary qolmen basqarylady»,- delingen habarlamada.

Gazben jabdyqtaýda problemalar týyndaǵan jaǵdaıda, «104» nómirine avarııalyq qyzmetke júginý qajet.