Almatylyqtar men qala qonaqtary jeltoqsan qaharmandaryn eske alý úshin «Táýelsizdik tańy» monýmentine gúl shoqtaryn qoıdy
13:25, 17 Jeltoqsan 2012
ALMATY. 17 jeltoqsan. QazAqparat - Almatyda QR Demokratııalyq jańarý kúnin qala turǵyndary men qonaqtary «Táýelsizdik tańy» monýmentine gúl qoıý rásiminen bastady.
Jeltoqsan men Sátbaev kósheleriniń qıylysyndaǵy bul monýment Jeltoqsan kóterilisiniń 20 jyldyǵyna oraı sáýletshi, dızaıner Tımýr Súleımenovtiń jobasy boıynsha 2006 jyldyń qyrkúıek aıynda turǵyzylǵan. Onyń ashylýyna QR Prezıdenti Nursultan nazarbaev qatysqan bolatyn. Sodan beri ol 1986 jylǵy Jeltoqsan kóterilisi qaharmandaryn eske alyp, azattyq jolynda qurban bolǵandardyń rýhyna taǵzym etetin orynǵa aınalǵan bolatyn. Sol sebepti bıyl da osy dástúr boıynsha jergilikti bılik pen qoǵamdyq uıymdardyń ókilderi gúl shoǵyn qoıyp, arýaqtardyń rýhyna quran baǵyshtady. Endi «Juldyz» meımanhanasynda arnaıy as berilýde. Odan keıin «Azat rýhtyń aldaspandary» dep atalatyn án men kúı keshi ótpek.