Almatylyqtar Qostanaı oblysynda órtten zardap shekkenderge kómek jınaýǵa kiristi

NUR-SULTAN. QazAqparat – Almatyda «Jastar rýhy» kovorkıng ortalyǵynda Qostanaıdaǵy tilsiz jaýdan zardap shekkenderge gýmanıtarlyq kómek uıymdastyrylyp jatyr, dep habarlaıdy QazAqparat.

Shara uıymdastyrýshysy – AMANAT partııasynyń Almaty qalalyq fılıaly. Kómek ortalyǵyna kásipkerler, qala turǵyndary, qarapaıym azamattar óz úlesterin qosyp jatyr. Qant, un, kúrish, sary maı, sabyn syndy turmystyq qajettilik týdyratyn zattar jınalý ústinde.

«Búgin tańerteńnen bastap Qostanaıǵa kómek qolyn sozý maqsatynda gýmanıtarlyq pýnkt ashyldy. Eriktiler, turǵyndar, kómektesýge nıetti jastar kelip jatyr. Munda azyq-túlikten bólek, jeke gıgıenalyq zattar ákelgender bar. Sonymen birge, qurylys zattaryn da alyp keldi. Kómektesem deýshiler qatary kóbeıip keledi», - dedi «Jastar rýhy» JQ AQF tóraǵasy Ákejan Keńesov.

Almatylyqtar Qostanaıdaǵy órtten zardap shekkenderge qoldan kelgen kómekterin kórsetýge daıar.

«Biz otbasymyzben birge osy bir keleńsiz habardy estip, júregimiz aýyrdy. Sol sebepti de, az da bolsa kómektesýdi oıladyq. Kıim-keshek, azyq-túlik syndy túrli kerek-jaraqty ótkizdik», - deıdi Ershat Sábıtov esimdi qala turǵyny.