Almatylyqtar keshke balkonǵa shyǵyp dárigerlerge qoshemet kórsetedi
19:51, 25 Naýryz 2020
ALMATY. QazAqparat - Almatyda estrada juldyzdary, blogerler keshki saǵat 20.00-de balkonǵa shyǵyp dárigerler qurmetine qol soǵýǵa shaqyrdy, dep habarlaıdy QazAqparat tilshisi.
Otandyq shoý-bıznes ókilderiniń, sheneýnikterdiń bul aktsııasy koronavırýs indetimen kúresip jatqan dárigerler, medıtsına mamandary, polıtsııa qyzmetkerleri, áskerıler, volonterler, sanepıdemıologter sııaqty mamandardy qoldaýǵa arnalǵan.
Áleýmettik jelide #almatybirgemiz heshtegimen taralyp jatqan aqparatta adamdar keshki saǵat 20.00-de balkonǵa shyǵyp 1 mınýt qol soǵýǵa usynys bildirip jatyr.
«Ózderi qyzmet barysynda osyndaı qurbandyqqa barǵan jandardy qoldaıyq», - dedi ákimdiktiń baspasóz qyzmetinen.