Almatylyqtar qaı memlekettik organdarǵa kóbirek shaǵymdady

ALMATY. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti qala turǵyndarynyń qaı memlekettik organǵa kóbirek shaǵymdanatynyn anyqtady, dep habarlaıdy QazAqparat tilshisi.

«Turǵyndar myna memlekettik organ qyzmetkerleriniń áreketterine jıi shaǵymdanady: ishki ister departamenti, qala ákimdiginiń AHAT bólimderi, memlekettik kirister departamenti, densaýlyq saqtaý basqarmasy», - dedi Almaty qoǵamdyq keńesiniń otyrysynda QR Almaty boıynsha memlekettik qyzmet isteri jónindegi departamenti basshysynyń orynbasary Shynaraı Álimhan.

Onyń sózine qaraǵanda, memlekettik qyzmetti kórsetýdiń tym uzaqqa sozylýy, bos áýreshilik, qaǵazbastylyq, memlekettik qyzmetshilerdiń etıkaǵa qaıshy minez-qulqy sııaqtylarǵa jurttyń kóńili tolmaıdy.

Sh. Álimhan keltirgen derekterge súıensek, jyl saıyn memlekettik organdarǵa 2,5 mıllıon ótinish kelip túsedi. Tórt jylda ótinishterdiń mólsheri 3,5 mıllıonnan 2,3 mıllıonǵa qysqarǵanymen, shaǵymdardyń mólsheri artyp keledi.

«2014 jyly 120 myń shaǵym túsken, al 2017 jyly bul kórsetkish 180 myńǵa jetti», - deıdi sheneýnik.