Almatylyqtar balabaqsha ornyna turǵyn úı salyp jatqan kompanııa ústinen shaǵymdandy

ALMATY. QazAqparat - Almatylyq kompanııa balabaqsha salynýy tıis jerge turǵyn úı keshenin turǵyzýda. Turǵyndar áleýmettik jelide narazylyqtaryn bildirdi, dep habarlaıdy QazAqparat tilshisi.

«Lýkým» JShS balabaqsha men bir bes qabatty turǵyn úı salýǵa ruqsat alǵan. Biraq, qazirgi ýaqytta kópqabatty turǵyn úıler keshenin salýda. Bizdiń balalardyń jerin tartyp aldy. Buǵan memleket te aralaspaı otyr»,- dep jazdy turǵyndar.

Atalǵan másele boıynsha QazAqparat tilshisi Almaty qalalyq josparlaý jáne ýrbanıstıka basqarmasyna saýal joldaǵan edi.

Basqarmanyń málimetinshe, Qarasaı batyr kóshesi 195/95 meken jaıyndaǵy jer telimi atalǵan JShS-ǵa tıesili bolyp shyqty. Ony rastaıtyn arnaıy qujattar bar. Maqsaty: balabaqsha, qyzmet kórsetý nysandary, jerasty avtoturaǵy bar kópqabatty turǵyn úı qurylysyn salý (ESKERÝ KEREK: qoldanystaǵy ǵımarattardy buzýmen).

«Menshik ıesi 2018 jyly memlekettik qyzmetterdi kórsetý aıasynda negizgi ǵımaratqa kiriktirile salynǵan balabaqsha, jer asty avtoturaǵy bar kóp qabatty úıdiń joba aldyndaǵy qujattaryn alǵan. Eske salaıyq, jobalyq qujattama qurylys bastalǵanǵa deıin QR zańnamasyna saı mindetti túrde memlekettik saraptamadan ótedi», - dep jaýap berdi Almaty qalalyq josparlaý jáne ýrbanıstıka basqarmasy.