Almatylyqtar avtobýsta jolaýshy kóptigine shaǵymdana alady

ALMATY. QazAqparat - Almatylyqtar avtobýstarda adam kóp bolatyndyǵynda jıi shaǵymdanady. Bul ásirese qarbalas ýaqytta bolady. Mundaı jaǵdaı koronavırýs aýrýynyń artýyna ákelýi múmkin. Monıtorıngtik toptardyń úılestirýshileri turǵyndardan mundaı faktilerdi vıdeoǵa túsirip, habarlaýdy suraıdy, dep jazady QazAqparat.

«Iá, mundaı problema bar. Biz adamdarmen kezdesip, talqylaımyz. Olardyń aıtýynsha, avtobýs sońǵy aıaldamada turady, sosyn basqasy bar ondaǵy adamdardy konserv balyqtary sekildi toltyryp tasıdy. Men Almaty turǵyndarynan osyndaı faktilerge tap bolsa, avtobýstyń adam toly ekenin kórse, ony vıdeoǵa túsirip, bizge jiberýlerin suraımyn», - dedi QR Sybaılas jemqorlyqqa qarsy qyzmeti janyndaǵy Respýblıkalyq arnaıy monıtorıng toby tóraǵasynyń orynbasary Rafael Gasanov.

Almaty qalasynda koronavırýstyń taralýyna jol bermeý jónindegi komıssııa janyndaǵy monıtorıng toptarynyń úılestirýshisi Raýan Esirkenov qalalyq mobıldilik basqarmasy sońǵy aıaldamalarda qoǵamdyq kólikterge únemi dezınfektsııa júrgizip jatqanyn aıtty.

«Biz mundaı faktiler bar ekenin moıyndaımyz. Tańerteń jáne keshke adamdar jumysqa jáne úıge qaıtqanda, avtobýstar tolyp ketedi. Bizde Almaty qalasyn damytý ortalyǵynda (AOA) 1308 koll-ortalyǵy bar, ol 24 saǵat jumys isteıdi. Siz qońyraý shalyp, tolyp jatqan avtobýs pen onyń nómirin beınege túsire alasyz. Biz shara qoldanamyz«, - dedi ol. Sonymen qatar sanıtarlyq-epıdemıologııalyq baqylaý departamenti sońǵy táýlikte Almatyda koronavırýs ınfektsııasynyń 360 jaǵdaıy tirkelgenin habarlady.