Almatylyqtar aýyz sý tapshylyǵyna shaǵymdandy
«Naýryzbaı aýdanyna qarasty «Aqjar» yqshamaýdanyndaǵy Bekeshev kóshesiniń batys jaǵynda turatyn turǵyndar ákimshilikten aýyz sý surap, jalynýdan sharshadyq. Bizdiń sýsyz otyrǵanymyzǵa alty aı boldy», - dep jazdy turǵyn Facebook jelisinde.
Naýryzbaı aýdanynyń ákimdigi sý qubyrlarynyń ótkizý qabileti tómen bolýyna baılanysty sýmen qamtamasyz etýde problemalar bar dep jaýap berdi.
«Qoldanystaǵy sýmen jabdyqtaý júıesiniń ótkizý qabilettiligi aýdandy úzdiksiz sapaly sýmen tolyq qamtamasyz ete almaıdy. Sýmen jabdyqtaý jelilerinde tekserý jumystary júrgiziledi, onyń nátıjeleri boıynsha odan ári sharalar qabyldanady. Apattyq qyzmet mamandary magıstraldy sýmen jabdyqtaý jelilerin retteý jumystaryn júrgizip jatyr. Sondaı -aq, joǵaryda atalǵan mekenjaıǵa sý mekemesiniń apattyq brıgada jumysshylary jiberiledi. Turǵyndardy sýmen qamtamasyz etý uıymdastyryldy. Turǵyndar ótinish berý úshin +7 (747) 795-95-96 nómirine habarlasa alady»,-dep habarlady aýdan ákimdiginen.