Almatylyqtar Astana kúnine 20 metrlik tort pisirmek
Merekeleý aıasynda qala turǵyndary men qonaqtary úshin arnaıy baǵdarlama daıyndalǵan. Onyń aıasynda kórmeler, konkýrstar, sport saıystary jáne basqalary uıymdastyrylady.
3 shildede 11:00-de metronyń «Baıqońyr» beketinde «Meniń elimniń bas qalasy» fotokórmesi, Jibek Joly boıynda 11.00-de «Quraq qórpe» tigýden sheberlik sabaǵy uıymdastyrylady. Budan ózge saǵat 17:00-de Jas sýretshiler ortalyǵynda FOYA Jas sýretshilerdiń alǵashqy festıvali ashylady.
Munda shynaıylyq elementteri aıshyqtalǵan Qazaqstandaǵy birinshi kórme kópshilikke usynylady. Kórermender ónermen tek vızýaldy ǵana tanysyp qoımaı, sonymen qatar óz gadjetteri arqyly da kórip biletin bolady.
Bul úshin «Óner up» qosymshasy jasaldy. Ol ónerdi tsıfrlandyrý quraly bolýmen qatar art obektilerdi «tiriltip» kórsetedi. FOYA festıvaliniń arqasynda kópshilikke qoljetimdi «Óner Place» - galereıasyn tamashalaýǵa bolady. Oǵan jas sýretshiler óz shyǵarmalaryn tegin qoıýmen qatar óner men ǵylym jaıynda lektsııalar da tyńdaıdy. Kórmege jas sýretshiler Repas, Shaman Neon, Pamamurty, Tig crew, Almaz Nurǵojaev jáne basqalarynyń kartınalary qoıylady.
4 shildede 11.00-de Jibek joly boıynda «Múmkindikter ýaqyty» bos oryndar jármeńkesi ótedi. Oǵan 150 jumys berýshi qatysyp, 1000-nan astam bos oryn usynylady. Qala ártisteriniń qatysýymen kontsert, «Astana júregimde» fleshmoby, «Palauparty» palaýyn usyný, «Asyl qazyna» jáne «El júregi - Astana» fotokórmesi, múmkindigi shekteýli jáne egde jastaǵy jandar jasaǵan «Ata óneri - urpaqqa mura» atty qolóner buıymdary jármeńkesi uıymdastyrylady.
Qala turǵyndary men qonaqtary úshin astananyń mereıli jasyna oraı arnaıy jasalǵan 20 metrlik torttan dám tatýǵa múmkindik bar.
Osy kúni 11:00-de Panfılov kóshesinde Open air Art gallery «Astana 20 year» ótedi.
5 shildede 11:00-de Alataý aýdany ákimdiginiń ǵımaraty janynda, Áýezov aýdanyndaǵy «Grand park» OSO-da, Medeý aýdanyndaǵy ODMS-da, Túrksib aýdanyndaǵy «MART Vilage» OSO-da merekelik ánshashýlar uıymdastyrylady.
6 shildede saǵat 11:00-de Almaly aýdanyndaǵy Jibek Joly boıynda, Bostandyq aýdanyndaǵy «MEGA Center» OSO-da, Jetisý aýdanyndaǵy «Gúlder» parkinde, Naýryzbaı aýdany ákimdiginiń ǵımaraty janynda da merekelik kontsertter uıymdastyrylady.
«Astana» alańy bas kontsert oshaǵyna aınalady. Munda saǵat 18:00-de otandyq estrada juldyzdary qala turǵyndary men qonaqtaryna «Astana - bas qala» kontserttik baǵdarlamasyn usynady.
Budan ózge, 6 shildede 17:00-de Panfılov kóshesinde asfaltqa sýret salý konkýrsy, jastardyń Art Party ótedi.
7 shildede 12:00-17:00 aralyǵynda eń kishkentaı kórermender Panfılov kóshesi boıynda qýyrshaq teatrynyń «Zoo show» qoıylymyn tamashalaı alady.
16:00-de QazMemtsırkte tsırk kórinisteri ótedi. 17:00-de «Alataý» Dástúrli óner teatrynda «Uly dala eli» halyqaralyq etnofestıvali ótedi.
8 shildede tańǵy 5:00-de sportshylar, qala turǵyndary «Shymbulaqta», «Nursultan» shyńyna deıin alpınıadaǵa qatysatyn bolady.
Jeksenbide 9:00-de «Nurly Taý» bıznes ortalyǵynda velojarys bastalady. Merekelik sharalar 20:00-de Jibek joly boıynda ótetin jastar kontsertimen qorytyndylanady.