Almatylyqtar Astana kúnin toılaýdy jyr-termeler keshinen bastamaq

ALMATY. QazAqparat - Búgin «Alataý» dástúrli óner teatrynda «Uly Dala eli» halyqaralyq jyrshylar festıvali ótpek, onda elimizdiń tanymal jyrshylarymen qatar, Ózbekstan, Bashqurt, Qyrǵyz elinen kelgen óner ıeleri ult murasymen sýsyndatpaq, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.

Naqtyraq aıtqanda, búgin «Alataý» dástúrli óner teatrynda «Uly Dala eli» halyqaralyq jyrshylar festıvali ótedi. Onda tanymal jyrshylar Berik Júsipov, Aqylbek Óteshov bastaǵan óner maıtalmandary jáne Ózbekstan, Bashqurt, Qyrǵyz elinen kelgen óner ıeleri ulttyq muramyzben sýsyndatpaq. Jyr keshinde Sáttiǵul Janǵabylulynyń «Musylmannyń balasy», Omar Shoraıaqovanyń «Tolǵaýy», Súıinbaı Aronulynyń «Jigitterge ósıet» shyǵarmalary oryndalmaq.

Sonymen qatar, 6 shilde kúni Respýblıka saraıy aldyndaǵy Abaı alańynda saǵat keshki 20:00-de saltanatty kontsert ótedi. Oǵan otandyq estrada juldyzdary: Jámılá Serkebaeva,«GS» gıtarıster dýeti, Zarına Omarova, Turar Rahımberlın, Janna Orynbasarova, «Ligtbend», «Aıýmı», «Mısterıons» toptary, Zırýza, Kental, Serik Ibragımov  jáne basqalary qatysady.

Bulardan ózge qalanyń ár aýdanynda Astana kúnine arnalǵan merekelik sharalar uıymdastyrylady.

Sonymen qatar, 6 shilde kúni Abaı alańynda jastarǵa arnalǵan bı keshi qoıylsa, sol kúni «Mega Park» OSO-da merekelik sharalar jalǵasyn tappaq.