Almatylyqtar Astana kúnin atap ótti

ALMATY. QazAqparat - Búgin almatylyqtar Astana kúnin atap ótti.

Almatydaǵy Respýblıka alańynda elorda kúnine oraı merekelik kontsert qoıyldy. Sahnaǵa shyqqan qazaqstandyq estradanyń juldyzdary eki saǵat ishinde  óner kórsetti. Olardyń qatarynda Jámıla Serkebaeva, «GS» gıtarashylar dýeti, Zarına Omarova, Turar Raqymberlın, Janna Orynbasarovalar boldy. Almatylyqtardy «Ligtbend», «Aıýmı», «Mısterıons» toptary, sondaı-aq Zırýza, Kental jáne basqa da ónerpazdar jınalǵan qaýymdy tánti etti.

Óner juldyzdary «Astana», «Qazaqstan»,  «Astana - Almaty», «Almatyǵa kelińder», «Aınalaıyn», «Kóńil ashar», «Týǵan el», «Asyl ánim», «Bári tamasha» jáne basqa da ánderdi shyrqady.

«Byltyr Astana kúnine oraı ótkizilgen kontsertke bara almap edim. Alaıda men alańǵa kelip, adamdardyń ortaq qýanyshyn, merekelik kóńil kúıdi bólisýge ázirmin. Osy merekelik kontsertten keıin otbasymyzdyń ortasynda toı ári qaraı jalǵasady», - dedi Lıýdmıla Naýmenko.

Eske sala ketsek, jyl saıyn elimizde Astana kúni atalyp ótedi. Búkil el aýmaǵynda bıyl 19 jyldyǵyn atap ótip jatqan elorda kúnine oraı merekelik kontsertter qoıylady.