Almatylyqtar arzan týrıstik joldama alamyn dep aldanyp qaldy

ALMATY. QazAqparat – Almatyda jalǵan týrfırmaǵa qatysty qylmystyq is tergelýde, dep habarlaıdy QazAqparat tilshisi.

Almaly aýdanynyń prokýratýrasynyń málimetinshe, «S» esimdi azamat jalǵan týrıstik kompanııanyń atynan adamdarǵa shetelge barý úshin óte tómen baǵamen joldamalar usynǵan.

Alaıaqqa sengen jábirlenýshiler oǵan 200 myńnan 6 mln teńgege deıin qarajat tólegen.

Sonymen birge jábirlenýshiler ony óz tanystary men dostaryna da usynǵan. Al tolyq tólem alǵan soń «S» azamat jábirlenýshilerdiń nómirlerin buǵattap, olarmen baılanysty toqtatqan. Nátıjesinde adamdar qarajat pen ýáde etilgen joldamalardan quralaqan qalǵan.

«Qazirgi tańda qylmystyq istiń 100-den astam qurbany bar jáne onyń zalaly ótelgen joq. «S« azamatsha kúdikti dep tanyldy. Bul sheshim Almaly aýdanynyń prokýratýrasymen kelisildi. Kúdikti sottyń sanktsııasymen qamaýǵa alyndy»,- dep habarlady prokýratýrada.