Almatylyqtar ánurandy ár jerde bir ýaqytta oryndady

ALMATY. QazAqparat- Almatydaǵy Jastar resýrstyq ortalyqtary eriktileriniń qatysýymen metroda, SOO-da, Medeý, Shymbulaq pen sport alańdarynda gımn oryndaldy, dep habarlaıdy QazAqparat tilshisi.

«Biz metro stantsııasyna jınalyp, ánurannyń alǵashqy áýenin oınaǵanda, jolaýshylar bizge jaqyndaı bastady, bireý jaı án aıtsa, bireý uıaly smartfondardyń kamerasyna túsirdi. Osyndaı is-shara árqaısynyń nazaryn aýdardy, bizden suraı bastady, biz búgin Memlekettik rámizder kúni ekenin aıttyq. Bul Qazaqstan halqy úshin erekshe mereke, óıtkeni kez kelgen memlekettiń órkendeýi memlekettik rámizderge degen qurmetten bastalady», - dedi volonter Aıbek Melsov.

Osy kezde Bostandyq aýdanynyń jastar resýrstyq ortalyǵynyń eriktileri fýdkorttyń janynda ornalasqan «Mega Tsentr» SOO-ǵa jınaldy.

Uıymdastyrýshylardyń aıtýynsha, aktsııaǵa Almaty qalasynyń 40-qa jýyq jas qatysty.

«Bul oryn kezdeısoq tańdalmaǵan. Munda kún saıyn qala jastary keledi, bul aktsııa olardyń patrıottyq tárbıesine arnaldy. Meniń oıymsha, biz óz maqsatymyzǵa jettik. Bul aktsııa bir de bir kelýshini beıjaı qaldyrmady», - dedi Ádil Nurpeıisov.

Túrksib aýdanynyń jastar resýrstyq ortalyǵynyń belsendisi Arnaı Sahymbetov keremet kóńil-kúı syılady. Ol 70 erikti qatarynda Saýranbaev-Spartak kósheleriniń qıylysynda QR Ánuranyn oryndady.

«Barlyǵy erekshe sezimde boldy, bizge áskerı orkestr súıemeldendi, árqaısymyz Tý, Ánuran, Eltańbany maqtan etemiz. Biz memlekettik rámizderimizdiń bar ekenin baǵalaýymyz kerek», - dedi Arnaı Sahymbetov.

Sonymen qatar, ánuran barlyq skverlerde, jaıaý júrginshiler kóshelerinde, metroda, «Medeý» kesheni men «Shymbulaq» kýrortynyń aýmaǵynda, sondaı-aq «Kók Tóbe» saıabaǵynda shyrqaldy.