Almatylyq JOO Berdibek Saparbaevqa aqyldy robotty tanystyrdy

ALMATY. QazAqparat – Almatyǵa QR Premer-Mınıstriniń orynbasary Berdibek Saparbaev jumys saparymen keldi, dep habarlaıdy QazAqparat tilshisi.

Berdibek Saparbaev ál-Farabı atyndaǵy QazUÝ-degi ІT parkti, protsestik ınnovatsııalar ortalyǵyn, jerdi qashyqtan zondtaý ortalyǵyn aralap kórdi. Oqý ornynyń ókilderi mańyzdy ǵylymı jobalaryn kórsetti.

Atap aıtqanda, sóıleıtin, estıtin, kórip, túsine alatyn, sondaı-aq suraq qoıa alatyn QazBot ıntellektýaldyq qultemiri tanystyryldy.

Sonymen qatar, vıtse-premer Shyǵys oıshyly ál-Farabıdiń mýzeıin aralap kórdi.

«Bul muralar ál-Farabı Qazaqstan aýmaǵynda týyp, ómir súrgenin dáleldeıdi», - dedi ol.

Odan ári «Uly dalanyń jeti qyry» mýzeıimen, sırek kezdesetin jazbalar men kitaptar qorymen, Tuńǵysh Prezıdent zalymen tanysty.

Búgin vıtse-premer ýnıversıtetterdiń jahandyq sammıtine qatyspaq.