Almatylyq joq Toyota Camry kóligin satqan
Almaty qalalyq polıtsııa departamentiniń málimetinshe, kúdikti 43 jastaǵy S. esimdi er adam naryq baǵasynan tómen baǵamen Toyota Camry 40 kóligin «satqan». Alaıaq óz maqsatyn júzege asyrý úshin birneshe uıaly telefon qoldanǵan.
Ol ózin «kólik ıesimin», keıin «lombard qyzmetkerimin» birde «Halyqqa qyzmet kórsetý ortalyǵynyń qyzmetkerimin» dep tanystyrǵan.
«Eń ótimdi kólikterdi arzan baǵamen satyp alǵysy keletinder kóp bolǵan. Kelissóz barysynda alaıaq jábirlenýshilerge klıent kóp dep túsindirip, olardy aldyn ala tólem jasaýǵa asyqtyrǵan. Aqsha aýdarǵan soń telefonyn óshirip tastaǵan. Ustalǵan azamatqa qatysty QR QK-niń 190-baby boıynsha sotqa deıingi tergeý amaldary bastaldy», – dedi Alataý aýdandyq polıtsııa basqarmasynyń bastyǵy Іlııas Ómirserikov.
Qazirgi ýaqytta S.esimdi azamattyń 15 alaıaqtyq faktisine qatysy bar ekendigi anyqtaldy. Ol ýaqytsha ustaý ızolıatoryna qamaldy.
Polıtseıler osy adamnyń áreketinen zardap shekken azamattardy myna telefon nómirine habarlasýyn suraıdy: 227-55-02; 8-708-380-54-00; 8-775-663-94-36.