Almatylyq jastar saılaýdy baqylaýshylar jelisin qurdy

ALMATY. QazAqparat - Almatyda jastar «NNEXT.kz" saılaý protsesin baqylaýshylar jelisin qurdy. Bul qozǵalys saılaý protsesiniń ádiletti ótýin baqylaýǵa almaq, dep habarlaıdy QazAqparat tilshisi.

«Biz jastardyń el bolashaǵy úshin paıdasy bar ispen aınalysa alatynyn kórsetkimiz keldi. Biz de saılaý kezindegi zań buzýshylyqtardy tirkep, saılaý quqyǵyn qorǵaýǵa septigin tıgize alamyz. Jeliniń ataýy kelesi býyn degendi bildiredi. Bul uıymnyń maqsaty - qazirgi azamattyq qoǵamnyń jumysyn kelesi qoǵamda jalǵastyrý, urpaq sabaqtastyǵyna ulastyrý. Biz aldyńǵy saılaýdy ótkizýdegi tájirıbeni eskerdik. Alaıda, tájirıbe kórsetkendeı, baqylaýshylardyń arqasynda saılaý problemalarynyń tek 1 protsenti ǵana qaralady. Biz básekege túskimiz kep turǵan joq. Tek jańa býyndy osy protseske qosqymyz keledi», - dedi «NNEXT.kz jastar qozǵalysynyń jetekshisi Ársen Qudabaev.

«NNEXT.kz jelisi jekelegen saıasatkerler men saıası uıymdardy qoldamaıdy.

«Qazir komandada 5 adam jumys jasap jatyr. Biraq Qazaqstannyń ár óńirinen 20 shaqty adam ótinish tústi. Bolashaqta 500 baqylaýshy iriktep alatyn bolamyz», - dedi «NNEXT.kz jastar qozǵalysynyń úılestirýshisi Ársen Áýbákirov.