Almatylyq jastar Elbasyna eskertkish ornatýdy usyndy

ALMATY. QazAqparat - Almatyda «Kemeńgerliktiń 30 jyly» atty halyqaralyq konferentsııa barysynda «Jas otan» jastar qanatynyń Almatydaǵy tóraǵasy Mádı Ahmetov Elbasy Nursultan Ábishulyna eskertkish ornatý jóninde usynys jasady, dep habarlaıdy QazAqparat tilshisi.

«Qurmetti Nursultan  Ábishuly. Men ózińiz sııaqty Almaty qalasynyń týmasymyn. Jasym 24-te. Sizdiń halqyńyzǵa sińirgen eren eńbegińizdiń óteýi retinde Almatyda Nazarbaev dańǵylynda eskertkish ornatýdy usynamyn. Ony munda otyrǵan jastar qoldaıdy dep senemin», - dedi Mádı Ahmetov.

Elbasy Nursultan Nazarbaev albyrt jastyń usynysyna: «Men osynda jastardyń kelgenine qýanamyn. Ár jerge el jer ataýyna meniń atymdy berýge men jalpy qarsymyn. Aldaryńyzda otyrmyn ǵoı. Qaıtesizder eskertkishti. Biraq usynys aıtylyp jatsa, barlyǵy meniń qolymda emes, prezıdent emespin goı. Halyq solaı dep sheshse, oǵan men qarsy bola almaımyn. Shyn júregimmen rızashylyq bildiremin», - dedi N.Nazarbaev.

Jıynda memleket basshysy Qasym-Jomart Toqaev Elbasy - bar ǵumyryn halqyna qyzmet etýge arnaǵan ultynyń adal perzenti ekenin aıtty.