Almatylyq tótenshelikter órt sóndirýge kómektesken oqýshylardy mektepke daıyndady

ALMATY. QazAqparat – Jańa oqý jyly qarsańynda Almaty qalalyq Tótenshe jaǵdaılar departamenti órt sóndirýshilerge kómektesken mektep oqýshylaryna qoldaý kórsetti, dep habarlaıdy QazAqparat tilshisi.

Osydan úsh buryn, ıaǵnı 2017 jyldyń 1 qarashasynda Kensaı shatqalyndaǵy taý bókterinde qýraǵan shópterden órt shyqqan bolatyn. Sol kezde arnaıy kólikter óte almaǵandyqtan, órt sóndirýshiler jaıaý kóterilip, qyzyl jalyndy aspaly órt sóndirý quraldary men «jarylǵyshtar» arqyly sóndirdi. Óıtkeni qyzyl jalynyń saıajaı aýmaǵyna taralý qaýpi týyndaǵan edi.

«Qurǵaq shópterdiń janyp jatqanyn kórgen balalar kómekke umtyldy, olar shelekpen sý tasyp, órtti sóndirýge kómektesti. Sol kezde balalarlyń eń úlkeni Mıl Kondrat-15 jasta, Samoılov Evgenıı -10 jasta, al eń kishkentaı Semenov Danıl 7jasta bolatyn»,– dep habarlady Almaty qalalyq Tótenshe jaǵdaılar departamentinen.

Jańa oqý jyly qarsańynda, áleýmettik jeliler arqyly kópbalaly ana Vıktorııa Semenovanyń otbasyndaǵy qıyn jaǵdaıdy bilgen Almaty garnızonynyń qutqarýshylary ózderiniń kómekshilerine qoldaý kórsetti.

« Balalarǵa planshet, jyldyq ınternet baılanysy bar Wi-Fi roýteri jáne oqý quraldaryn tabystaldy»,– dep habarlady vedomstvodan.