Almatylyq salyq tóleýshiler tamyz aıynda qun salyǵynyń deklaratsııasyn tapsyrýy kerek

ALMATY. QazAqparat - Almaty qalasynyń salyq tóleýshileri jeke tabys salyǵy boıynsha deklaratsııany 15 tamyzǵa deıin tapsyrýy qajet. Bul týraly óńirlik kommýnıkatsııalar qyzmeti alańynda Almaty qalasy Memlekettik kirister departamentiniń memlekettik qyzmetter basqarmasynyń basshysy Baqtygúl Seıtova aıtty, dep habarlaıdy QazAqparat tilshisi.

Spıkerdiń aıtýynsha, bul bıylǵy jyldyń ekinshi toqsanynda qosylǵan «Forma 200» jáne «Forma 300» dep atalatyn qun salyǵynyń deklaratsııasy.

«15 tamyzda sondaı-aq shaǵyn kásipkerlik sýbektileri úshin jartyjyldyq deklaratsııa «910-forma» tapsyrý merzimi aıaqtalady. Men barlyq salyq tóleýshilerdi salyq eseptiliginiń osy nysandaryn usynýǵa muqııat bolýǵa shaqyramyn. Sondaı-aq, salyq eseptiligin tapsyrý merzimin uzartý úshin standartty tetikterdi paıdalanýǵa bolady», - dedi Baqtygúl Seıtova.

Ol sondaı-aq 25 tamyzda «200-forma», «300-forma» jáne «910-formadaǵy» barlyq esepter boıynsha salyq tóleýdiń sońǵy merzimi ekenin eske saldy.

«Salyq tóleýshiler eń jaqyn kúnderge nazar aýdarýy kerek - bul 15 qyrkúıek. Olar salyq tóleýshilerimiz paıdalanatyn derekterdi berý fýnktsııasy bar baqylaý-kassalyq mashınalardy qaıta baǵdarlamalaýǵa qatysty», - dedi spıker.

Ol osy kúnge deıin salyq tóleýshiler baqylaý-kassalyq mashınalaryn qaıta baǵdarlamalamasa, chek berýdi toqtatatynyn, al chek bermeý ákimshilik jaýapkershilikke áketetinin habarlady.