Almatylyq oqýshylar «Jibek joly» halyqaralyq matematıkalyq olımpıadasynan júldeli oraldy

ALMATY. QazAqparat- Almaty qalasyndaǵy NIS FMN oqýshylary halyqaralyq olımpıadadan júldeli oraldy, dep habarlaıdy QazAqparat tilshisi.

Jyl saıyn halyqaralyq «Jibek joly» olımpıadasyna Uly Jibek jolynyń boıynda ornalasqan Qazaqstan, Ózbekstan, Qyrǵyzstan, Túrikmenstan, Túrkııa, Ázerbaıjan, Qytaı jáne taǵy basqa eldiń oqýshylary qatysady.

Bıyl atalǵan jarysta Almatydan 6 oqýshy baq synady.

Nátıjesinde, barlyq qatysýshy júldeli oryndardan kórindi.

Altyn medal júldegerleri – Taır Satýbaldın men Ábdirazaq Nurasyl

Kúmis medal ıesi – Aqerke Nurahmetova

Qola medal jeńimpazdary Aldınash Seıtenov, Arsen Nárik pen Álimjan Turdauly.

Aıta ketsek, NIS FMN «Jibek-joly» olımpıadasynda úshinshi jyl qatarynan júlde alyp otyr.

2019-2020 jyldary Taır Satýbaldın I oryn alsa, sol jyly Ábdirazaq Nurasyl III-oryn ıelengen.

Al, byltyrǵy olımpıadada Ábdirazaq Nurasyl, Taır Satýbaldın men Álimjan Turdauly qola júldeger atanǵan bolsa, kúmis medaldi Aldınash Seıtenov ıelengen bolatyn.

Atalǵan olımpıadaǵa Qazaqstannan oqýshylar 2003 jyldan beri qatysyp keledi.