Almatylyq oqýshy jańbyrdy jasandy jolmen jaýǵyzatyn tehnologııa oılap tapty
Ádilet mınıstrligi Ulttyq zııatkerlik menshik ınstıtýty alańynda ótken jas ónertapqyshtardyń VI mektebi aıasyndaǵy halyqaralyq forým Qazaqstandaǵy ǵylym qyzmetkerleri kúnine jáne Halyqaralyq zııatkerlik menshik kúnine oraılastyrylǵan.
Forýmdy quttyqtaý sózimen ashqan Ádilet vıtse-mınıstri Botagóz Jaqselekova vedomstvo júzege asyratyn memlekettik saıasattyń mańyzdylyǵyn, zertteýshiler men ınnovatorlardyń óz ıdeıalary men ınnovatsııalaryn saqtaýǵa múmkindik beretin, zańsyz paıdalanýdan qorǵaýdy qamtamasyz etetin, negizgi katalızator – zııatkerlik menshik rólin atap ótti.
Qazaqstan men Qyrǵyzstannyń jas ǵalymdary óz jobalaryn tanystyrdy: «Tsıfrlyq resýrstar men baǵdarlama qurý», «Itterdiń sút bezi obyrynyń patogıstologııalyq dıagnostıkasy», «Taý jaǵdaıynda týnnel qazýǵa arnalǵan burǵylaý stanoktary» jáne t.b., sodan keıin barlyq qatysýshylar talqylaýǵa belsendi qatysyp, spıkerlerge suraqtar qoıdy.
Keıingi úsh jyl «Nanospýtnık» jobasymen aınalysyp kelgen Almaty qalasy gımnazııasynyń 10-synyp oqýshysy Sholpan Amangeldi jınalǵandardyń erekshe qyzyǵýshylyǵyn týdyrdy. Jas ónertapqyshtyń aıtýynsha, «Nanospýtnık ozon qabatynyń kúıin zertteıdi, jer mańaıyndaǵy keńistiktiń astronomııalyq qozǵalystary jer silkinisin boljaı alady, sonymen qatar qurǵaq klımatty aımaqtar úshin mańyzdy bolatyny – aýdandarǵa jasandy jańbyr shaqyrýyna yqpal ete alady».
Túrli halyqaralyq ǵylymı konkýrstardyń jeńimpazdary atanǵan talantty oqýshylarǵa Jas ónertapqysh mektebi alǵash ret ǵylymı forým formatynda ótip otyr.
«Ǵylymdaǵy balalar» jobasynyń qatysýshylary óz tájirıbelerimen bólisip, basqa oqýshylardyń jańa jetistikterine shabyt berdi.
Іs-sharany QAZPATENT jáne «International Center of Scientific Collaborations» JM birlesip uıymdastyrdy.