Almatylyq qurylys kompanııalary qurylys júrgizýdiń jańa erejesin qoldaıdy

ALMATY. QazAqparat - Almatynyń qurylys kompanııalary jańa qurylys erejesimen jumys isteýge daıyn. Bul týraly óńirlik kommýnıkatsııalar qyzmeti alańynda QR Qurylys salasy odaǵynyń basqarma tóraǵasy Eraly Saýranbaev málim etti, dep habarlaıdy QazAqparat tilshisi.

Onyń aıtýynsha, Qurylys salasynyń odaǵy, sondaı-aq barlyq qurylys kompanııalary qurylys júrgizýdiń jańa erejesin ázirleýge bastamashy boldy.

Sonymen qatar, Almaty ákimi Baqytjan Saǵyntaevtyń sheshimin qoldaıdy.

«Biz jańa ereje aıasynda jumys isteýge jáne qabyldanǵan normalardy qatań saqtaýǵa daıynbyz. Biz de - qala turǵynymyz jáne sizdermen birge megapolıstiń damýyna alańdaımyz», – dedi ol.

Spıker qalanyń sáýlet jáne qala qurylysy Memleket basshysynyń erekshe baqylaýynda ekenin aıtty.

Qurylys salasy odaǵynyń ókilderi osy qujatty ázirleýge tikeleı qatysty.

Barlyq qabyldanǵan normalar halyqaralyq tájirıbege sáıkes keledi jáne Almatynyń tarıhı ortalyǵynyń qaıtalanbas naqyshy men sáýlettik kelbetin saqtaýǵa arnaldy.

«Sonymen qatar qala qurylysy áleýmettik ınfraqurylymdy damytý men kógaldandyrýǵa basa nazar aýdara otyryp júrgizedi. Almaty ómir súrýge yńǵaıly megapolıs retinde, jasyl qala mártebesin saqtap qalýy tıis», – dedi Eraly Saýranbaev.