Almatylyq kórermenderge álemdik balet juldyzdary «Karmen sıýıtasyn» usyndy
Almatyda Reseıdiń halyq ártisi, Úlken teatrdyń prıma-balerınasy, «La Skala» teatrynyń etýali Svetlana Zaharova óner kórsetti. Ol Almatyǵa alǵash ret 2012 jyly qarashada kelgen bolatyn. Sol kezde ol Rýslan Skvortsovpen «Jızel» spektaklinde oınady.
«Maııa Plıtseskaıa – ańyz adam. Men «Karmen – sıýıta» baletiniń premerasyn daıyndaý kezinde onymen biraz jumys isteý baqytyna ıe boldym. Bul onyń mereıtoılarynyń biri jáne Úlken teatrda atap ótildi. Sol kezde qoılymǵa Alberto Alonsonyń ózi kelgen bolatyn. «Karmen sıýıta» spektakli meniń ómirimdegi eń mańyzdy spektaklderdiń biri. Men ony kóptegen jyldar boıy álemniń ártúrli sahnalarynda bılep kelemin. Bul qoıylym áli de suranysqa ıe jáne kórermen ony qýana tamashalaıdy», - deıdi prıma-balerına. Aıta keteıik, 2021 jyldyń 30-31 qazanynda Almatyda aty ańyzǵa aınalǵan Maııa Plıtseskaıanyń 95 jyldyǵyna arnalǵan IV Halyqaralyq Ballet Globe, festıvali «Aqqý kóli» spektaklimen ashyldy. Ballet Globe festıvaliniń negizin qalaýshy Erlan Andaǵulovtyń aıtýynsha, festıvaldiń basty maqsaty – halyqty balet óneriniń san qyrly álemimen: joǵary klassıkadan bastap zamanaýı horeografııalyq ónerdiń biregeı kartınalaryna deıin tanystyrý. «Jyl saıynǵy festıval keńinen tanymal. Bul festıval álem juldyzdarynyń basyn qosady. IV Halyqaralyq Ballet Globe festıvali- shyn máninde tarıhı oqıǵa. Sonymen qatar, bizdiń ásem teatrymyzdyń sahnasynda bizdiń zamanymyzdyń eń jarqyn álemdik juldyzdarynyń biri Svetlana Zaharovanyń Almatyǵa kelýin balet súıer qaýym kóp jyl kútti», - dedi ol.