Almatylyq kommýnıster memlekettik basqarýda kadr jańartýdy qoldady
Kommýnıstterdiń pikirinshe, barlyq deńgeıdegi memlekettik apparatty qysqartý – jumys sapasyn jaqsartady.
«Bir-biriniń jumysyn qaıtalaıtyn uıymdar bar. Bizdiń partııa áleýmettik saıasatpen jáne halyqtyń ál-aýqatyn arttyrýmen jumys isteıdi. Ákimder aýysady, biraq júıe ózgerissiz qalady. Memlekettik basqarý organdaryna kreatıvti, qabileti jastar qajet. Olardy kadr rezervine qoıyp, oqytý kerek», - dedi Qazaqstan kommýnıstik halyq partııasynyń múshesi Gúldana Nurpeıisova.
Sonymen qatar, kommýnıster bıylǵy Joldaýdyń mańyzdylyǵyna toqtaldy.
«Prezıdent óziniń Joldaýynda barlyq memlekettik qurylymda jańǵyrtý qajettigin naqty atap ótti. Biz qazir osy modernızatsııaǵa qatysty óz usynystarymyzdy bere bastadyq. Qazaqstanda modernızatsııany qajet etpeıtin kóptegen qurylymdar bar. Olardy qajetsiz dep, joıý kerek. Árıne, bul – ońaı sharýa emes. Mysaly, qazir kóptegen departamentter bar, olardy biriktirýge bolady. Nemese bólimge deıin tómendetý qajet. Mysaly tildi damytý óte mańyzdy. Biraq sol úshin bir departament qurýdyń qajeti bar ma? Bul, kóptegen qyzmetkerlerdiń jalaqysyna bólinetin qarjylyq resýrstardy únemdeýge múmkindik beredi», - dedi QKHP Almaty qalalyq komıtetiniń birinshi hatshysy Álibek Shapenov.
Halyqaralyq aqparattyq tehnologııalar ýnıversıtetiniń professory, PhD doktory Dáýren Asqarovanyń aıtýynsha, qazir kóptegen ekonomıster saıasatqa bet bura bastady.
«Qazaqstan – dástúrli qoǵamnyń qatarynda qalatyn elderdiń biri. Bizdiń damyǵan álemde ekonomıster eldiń ekonomıkasy men úkimeti júıesinde ózindik boljam jasaýdy úırenip aldy. Qazirgi kezde kóptegen ekonomıster úkimet qurylymy salasynda belsendilik tanytýda. Іsine endi kirisken ekonomısterdiń deni jańa kózqarasqa ıe», - dep atap ótti ekonomıst.