Almatylyq kedenshiler 18 keliden astam balama psıhotroptyq zattardy joıdy (FOTO)
Bul týraly atalmysh vedomstvonyń baspasóz qyzmetinen habarlady.
Almatylyq kedenshiler balama psıhotroptyq zattardy joıý aktsııasyn Halyqaralyq esirtki zattardy qoldanýǵa jáne olardyń zańsyz aınalymyna qarsy kúres kúni qarsańynda ótkizip otyr. Bul kún 26 maýsymda atap ótiletini belgili.
Kedendik qyzmetkerlerdiń aıtýynsha esirtki tasymaly sońǵy kezderi artqan. Eger 2013 jyly ońtústik astananyń kedenshileri 26 derek boıynsha 20 keliden astam balama psıhotroptyq zattardy tárkilegen bolsa, ústimizdegi jyldyń alǵashqy 6 aıynyń ishinde balama psıhotroptyq zattardy tárkileýdiń 26 faktisin tirkedi. Tárkilengen zattardyń jalpy salmaǵy 11 kelige jýyq boldy.
Jyl basynan beri Almaty qalasy boıynsha kedendik baqylaý departamenti esirtki jáne psıhotroptyq zattardyń tasymalyna qatysty 5 qylmystyq is qozǵady. 1 keli 114 gramm kokaın jáne 800 gramm psıhotroptyq zattar tárkilendi.