Almatylyq kásiporyndardyń memlekettik satyp alýlarǵa qatysýy úlesi 13 esege artty - B. Baıbek

ALMATY. QazAqparat - Búgin Almaty qalasy ákimdiginde jyl saıynǵy dástúrli «Memlekettik tapsyryc-2016» aktsııasy ótti. Oǵan Almaty qalasynyń ákimi Baýyrjan Baıbek, «Samuryq-Qazyna» Ulttyq ál-aýqat qorynyń basqarma tóraǵasy Ómirzaq Shókeev, jergilikti memlekettik organdar men bıznes sýbektilerdiń basshylary jáne basqa da múddeli tulǵalar qatysty.

Óziniń alǵy sózinde qala ákimi Baýyrjan Baıbek bul sharanyń almatylyq óndirýshilerdiń memlkettik satyp alýlar sharasyna qatysý úlesin arttyrýǵa baǵyttalǵandyǵyn aıta kele, bul salada yntymaqtastyq joǵary deńgeıde damyp jatqandyǵyn jetkizdi.

«Almaty qalasy ákimdigi men «Samuryq-Qazyna» Ulttyq ál-aýqat qory arasyndaǵy yntymaqtastyq boıynsha qol qoıylǵan Memorandým aıasynda 2008 jyldan beri memlekettik satyp alýlar 13 esege artyp, 857 mlrd. teńgeni qurady. Al 2015 jyldyń sońǵy 11 aıy ishinde memlekettik tapsyrystardy oryndaý - 643 mlrd. teńgeni qurady. Memlekettik tapsyrys aktsııasy osymen dástúrli túrde segizinshi ret ótkizilip jatyr. Bul, árıne almatylyq kásiporyndardyń damýy jáne jumys oryndaryn qamtamasyz etý úshin óte mańyzdy shara. Búgingi tańda Almatydaǵy 1,5 myń ónerkásiptik kásiporyndardyń 500- den astamy «Samuryq-Qazyna» Ulttyq ál-aýqat qorynyń enshiles kompanııalarymen birlese jumys isteýde», - dedi B. Baıbek.