Almatylyq kásipkerler nesıe men jalǵa alý tólemderi boıynsha jeńildik aldy
Qazaqstan Respýblıkasy Úkimetiniń 2021 jylǵy 17 sáýirdegi qaýlysymen 2021 jyldyń sońyna deıin ekonomıkalyq ósýdi qalpyna keltirý jónindegi Keshendi josparǵa tolyqtyrýlar engizildi. Negizgi tolyqtyrýlardyń arasynda – shaǵyn jáne orta bıznes sýbektilerin aıtarlyqtaı qoldaýdy kózdeıtin sharalar bar.
Almaty qalasynyń ákimdigi uzaq ýaqyt ishinde ortalyq memlekettik organdarmen koronavırýs ınfektsııasynyń taralýyna jol bermeý boıynsha qoıylǵan shekteý is-sharalarynyń sheńberinde bıznes sýbektilerine qoldaý sharalaryn kórsetý boıynsha kelissózder júrgizdi.
Kelissózder júrgizý qorytyndysy boıynsha ekonomıka salasynda zardap shekken shaǵyn jáne orta bıznes sýbektileriniń ekonomıkalyq qyzmet túrleriniń tizbesi 346 ekonomıkalyq qyzmet túrleriniń jalpy jikteýishine (EQJJ) deıin keńeıtildi. Osylaısha, atalǵan ekonomıkalyq qyzmet túrlerine jatatyn bıznes sýbektileri nesıeleri boıynsha tólemderdiń merzimin keıinge qaldyrýǵa úmit arta alady.
Tártip kásipkerlik maqsattar úshin kishi-, shaǵyn jáne orta bıznes, sondaı-aq jeke kásipkerlerdiń ókilderine 2021 jylǵy 1 sáýirge deıin berilgen banktik qaryzdar men kishi nesıeler boıynsha tólemderdiń merzimin keıinge qaldyrýdy kózdeıdi.
Tólemderdi keıinge qaldyrý merzimi qaryz alýshynyń óziniń tańdaýy boıynsha 30 kúnnen 90 kúnge deıingi merzimdi quraıdy. Tólemderdi keıinge qaldyrý úshin qaryz alýshylar óz bankine nemese mıkroqarjylyq uıymǵa 2021 jylǵy 30 maýsymǵa deıingi merzimde ótinish jasaýy tıis. Budan buryn engizilgen salalardan (óńdeý ónerkásibi, aqparat, kólik, qoımalaý) basqa ekonomıkanyń zardap shekken salalarynyń tizbesine kórkemóner, oıyn-saýyq jáne demalys, kóterme jáne bólshek saýda, ómir súrý jáne tamaqtaný boıynsha qyzmetter usyný, sondaı-aq birqatar basqa da baǵyttar kiredi.
Budan basqa, 2021 jylǵy 30 maýsymǵa deıin shaǵyn jáne orta bıznes sýbektileri úshin memlekettik jáne memlekettik syńaıly uıymdardyń menshik ıeleriniń jyljymaıtyn múlik nysandary boıynsha olardyń jalǵa alý tólemderin esepteý kidirtiletin bolady.
Almatyda 2020 jyly karantın rejimi kezeńinde shaǵyn jáne orta bıznestiń 75 myń sýbektisi somasy 23,5 mlrd teńgeni quraıtyn salyq jeńildikterin paıdalanǵanyn esterińizge salamyz.
Nesıeler boıynsha somasy 127,3 mlrd teńgeni quraıtyn 360 myń qaryz qarajattarynyń tólemderi, onyń ishinde, shaǵyn jáne orta kásipkerliktiń somasy 72 mlrd teńgeni quraıtyn 2889 qaryz qarajattarynyń tólemderi (16 naýryzdan 15 maýsymdy qosa alǵanda, somasy 40 mlrd teńgeni quraıtyn 1588 qaryz qarajattarynyń tólemderi; 16 maýsymnan 24 tamyzdy qosa alǵanda, somasy 32 mlrd teńgeni quraıtyn 1301 qaryz qarajattarynyń tólemderi) keıinge qaldyryldy. Somasy 376 mln teńgeni quraıtyn turǵyn jaıdy jalǵa alý tóleminen 1,1 myń kásipker bosatyldy.