Almatylyq Feısbýk arqyly bankten eki júz myńnan astam teńge utyp aldy

ALMATY. QazAqparat - Almatylyq Berik Sarbasov elimizdegi iri banktiń birinen Feısbýk áleýmettik jelisinde pikiriniń tanymal bolǵany úshin syıaqy aldy, dep habarlaıdy QazAqparat tilshisi.

Bir apta buryn Fortebank pen 32 jastaǵy almatylyq Berik Sarybasovtyń arasynda bás tigilgen bolatyn. Bank almatylyqtyń Feısbýk paraqshasyndaǵy bir pikirine basylǵan unatý (laık) belgisine qaraı, ıaǵnı qansha adam «laık» qaldyrsa, sonsha aqsha tóleıtinin jetkizgen. Bank sharty boıynsha, ár adamnyń «laık» belgisi úshin 10 teńgeden tólenetin bolyp kelisilgen.

«Men óz pikirlerimniń birinde bankke ómir boıyna paıyzsyz nesıe belgileý týraly usynys aıtqanmyn. Tańqalǵanym, olar buǵan jaýap berip, bástesýge shaqyrdy», - deıdi Berik Sarbasov.

Bástesýdiń bir shartynda «laık» belgisin basýshylardy qoldan kóbeıtýge tyıym salyndy. Berik Sarybasov Feısbýk qoldanýshylardyń kómegimen 18 323 «laık» jınap, bankten 207 830 teńge aldy.