Almatylyq dárigerler Ramazan aıynda tamaqtan ýlanýdan saq bolýǵa shaqyrdy

ALMATY. QazAqparat - Almatynyń sanıtarııalyq dárigerleri Ramazan aıynda tamaqtan ýlaný men jiti ishek ınfektsııalarynan saqtanýǵa shaqyrdy, dep habarlaıdy QazAqparat tilshisi.

Qazir epıdemıologııalyq jaǵdaıdyń turaqtanýyna baılanysty barlyq shekteý sharalary alynyp tastaldy. «Bul aýyz ashar kezinde adamdardyń kóptep jınalýyna múmkindik beredi. Biraq, ózińizdiń jáne jaqyndaryńyzdyń qaýipsizdigi úshin KVI-diń qarapaıym aldyn alý sharalary týraly umytpańyz. Orazalaryńyz qabyl bolsyn» delingen departament taratqan habarlamada.

Sonymen qatar, mamandar tamaqtan ýlanýdan jáne JІI aýrýlarynan qorǵaný úshin birqatar keńes usynady. Atap aıtqanda:

- jaramdylyq merzimi ótken, tańbasy anyq emes nemese joq, ydysta deformatsııa jáne bombaj belgileri bar tamaq ónimderin ruqsat etilmegen saýda oryndarynan almaý kerek;

- eger ydystyń bútindiginiń buzylý belgileri bolsa, muzdatylǵan azyq-túlikti satyp almańyz;

- tez buzylatyn taǵamdar men daıyn salattardy bólme temperatýrasynda 2 saǵattan artyq saqtamańyz, sebebi bul bakterııalar men toksınderdiń jınalýyna ákelýi múmkin;

- respıratorlyq jáne asqazan-ishek aýrýlarynyń belgileri bar naýqastardyń tamaq daıyndaýyna jol bermeńiz;

- úıde jeke gıgıena erejelerin jáne ystyq, sýyq taǵamdardy daıyndaý tehnologııasyn, tamaq ónimderiniń, ásirese, tez buzylatyn jáne shıki ónimderdiń jaramdylyq merzimi men saqtaý sharttaryn saqtaý kerek, sondaı-aq daıyn taǵamdy bólek saqtaý qajet;

- shıki jáne daıyn ónimderge bólek pyshaq pen taqtaı paıdalanyńyz;

- kókónis, jemis-jıdekterdi aǵyndy sý astynda, al balalar úshin qaınaǵan sýmen muqııat jýyńyz;

- salattar, tartylǵan et ónimderin az mólsherde daıyndap, taǵamdardy bir kúnnen artyq saqtamańyz;

- jańa daıyndalǵan taǵamdy aldyńǵy kúnniń qaldyqtarymen aralastyrmańyz. Eger daıyn taǵam kelesi kúnge qalsa, ony qoldanar aldynda termııalyq óńdeýden ótkizý kerek (qaınatyńyz nemese qýyryńyz);

- taǵamdardy, ásirese et, qus eti, jumyrtqa jáne teńiz ónimderin muqııat qýyryńyz nemese qaınatyńyz;

- torttardy tońazytqyshta saqtańyz, sonymen qatar bul tez buzylatyn taǵam ekenin umytpańyz;

- sý ishýge jáne tamaq daıyndaýǵa súzilgen sýdy paıdalanyńyz.