Almatylyq dáriger ıÝrıı Shýmkovtyń ólimine qatysty is sotqa joldandy

ALMATY. QazAqparat - Belgili dáriger ıÝrıı Shýmkovtyń ólimine qatysty is sotqa berildi, dep habarlaıdy QazAqparat tilshisi.

«Atalǵan is qylmystyq ister jónindegi mamandandyrylǵan aýdanaralyq sotyna jiberildi. Ázirge sot otyrysy belgilengen joq. Іsti qaraıtyn kún týraly qosymsha habarlanady», - dep atap ótti qalalyq sottyń baspasóz qyzmeti.

Eske salaıyq, bıylǵy 4 sáýir kúni Almatyda dáriger emdelýshi patsıentiniń qolynan qaza tapty. Ony kúdikti ańshy myltyǵymen atyp tastaǵan.

Asa aýyr qylmys qalanyń Bostandyq aýdanynda bolǵan. Kúdikti qalada engizilgen arnaıy jospar barysynda Alataý aýdany aýmaǵynda ustaldy.

Keıin QR Densaýlyq saqtaý mınıstri Ajar Ǵınııat ıÝrıı Shýmkov pen patsıent arasynda qandaı da bir janjal bolmaǵanyn aıtty.