Almatylyq baıqaýshylar: Áleýmettik ara qashyqtyq saqtamaı jatyr

ALMATY. QazAqparat – Almatyda qurylǵan baspasóz alańynda baıqaýshylar daýys berý protsesi týraly aıtty, dep habarlaıdy QazAqparat tilshisi.

Baıqaýshylar daýys berý kezinde keıbir ýchaskelerde ara qashyqtyq talaptary saqtalmaıtynyn jetkizdi.

«Ázirge daýys berý protsesi turaqty ótip jatyr. Keıbir ýchaskelerge tikeleı qosylyp jatyrmyz. Bul zańbuzýshylyqtardy der kezinde anyqtaý úshin kerek. Protsedýralyq zańbuzýshylyqtar áli

«Jastarǵa jol» qoǵamdyq qorynyń táýelsiz baqylaýshylar shtabynyń jetekshisi Rafael Gasanov kózge túserlikteı zańbuzýshylyqtar tirkelmese de saılaýshylar arasynda áleýmettik qashyqtyq saqtalmaı jatqanyn aıtty.

«Mobıldi top barlyq qalany aralap keldi. Karantın talaptaryn oryndaýdy suraımyz. Atap aıtqanda, ara qashyqtyq pen maska kııý talaptary saqtalmaı jatyr. Sonymen qatar, daýys berýshilerdi ruqsatsyz vıdeotúsirilim júrgizip, áleýmettik jelige jarııalaýǵa tyıym salamyz», - dedi Rafael Gasanov.

Aıta ketý kerek, búgin ıaǵnı, 10 qańtarda QR Parlamenti Májilisi men máslıhat depýtattaryn saılaý bastaldy.

Almatyda 507 saılaý ýchaskesi tańǵy 07:00-den bastap ashyldy. Daýys berý oryndary «QR Saılaý týraly» zańynyń, Ortalyq saılaý komıssııasynyń talaptaryna saı keledi.

507 ýchaskede 2535 medıtsınalyq qyzmetker: 1014 dáriger, 1521 medbıke jumys isteıtin bolady. Odan bólek keıbir saılaý ýchaskeleriniń janynda Jedel járdem kezekshilik etetin bolady.

Saılaýshylar maskamen kelýge mindetteledi. Eger joq bolsa olarǵa kireberiste maska beriledi. Eger onyń dene qyzýy joǵary bolsa, daýys berýge tyıym salynady.