Almatylyq baqylaýshylar aldaǵy saıası sharaǵa tolyq daıyn
Almaty qalasy kásipodaqtarynyń aýmaqtyq odaǵy baqylaýshylar shtabynyń múshesi Almagúl Ákimovanyń aıtýynsha, qazirgi saılaý koronavırýs jaǵdaıynda, jańa mazmunmen ótedi.
«Jańashyldyq - saılaýshylar partııalyq tizim boıynsha daýys beredi. Halyqtyń saıası belsendiligi artty. Adamdar baǵdarlamalarǵa qyzyǵýshylyq tanytyp, tanysady. Saılaý kezinde bizge qazirgi sanıtarlyq-epıdemıologııalyq jaǵdaıdy da eskerý qajet bolady. Biz barlyq azamattardy konstıtýtsııalyq quqyǵyn paıdalanýǵa jáne daýys berýge shaqyramyz. Biz ár baqylaýshymen baılanys ornattyq. Saılaýdyń ádil ótetinine senimdimiz», - dep atap ótti spıker.
Búgingi kúni Almaty kásipodaq ortalyǵynyń 200 myńnan astam múshesi bar. Onyń ishinde respýblıkada 7 myń baqylaýshy oqytyldy.
Almatydaǵy 507 ashyq saılaý ýchaskesinde 1 myńnan astam baqylaýshy jumys isteıtin bolady.
«Eki aı boıy bizdiń baqylaýshylar saılaý týraly zańdy oqydy. Biz tıisti trenıngter ótkizdik. Barlyq baqylaýshylar PTR testin tapsyrdy. Saılaý barlyq jerde ádil jáne zańdy ótkenin qalaımyz», - dedi Almaty kásipodaqtarynyń aýmaqtyq odaǵynan baqylaýshylar shtabynyń múshesi Quralaı Berkimbaeva.