Almatylyq áıeldiń shotynan 5 myń dollar sheship alǵan kúdiktiler vıdeoǵa túsip qaldy

ALMATY. QazAqparat – Almaty polıtsııasy kameranyń obektıvine túsip qalǵan eki er adamnyń sýretin jarııalady, dep habarlaıdy QazAqparat tilshisi.

Polıtsııa departamentiniń málimetinshe, olar jábirlenýshini aldap, aqshasyn ıemdenip alǵan.

«Áıeldiń uıaly telefonyna qońyraý shalǵan er adam ózin bank qyzmetkerimin dep tanystyryp, odan: «Depozıttik shottan jeke shotqa aqsha aýdarýǵa ótinish bildirdińiz be?» - dep suraıdy. Sodan soń kúdikti áıel adamǵa telefonyna kelip túsken kodty aıtatyn bolsa, shotqa kıbershabýyldardan qorǵaıtyn arnaıy qorǵanys ornatamyz dep sendirgen. Ózin aldap turǵanynan esh kúdiktenbegen áıel aıtylǵan talaptardy oryndaǵan», - deıdi Almaty qalalyq PD Anyqtaý basqarmasynyń bastyǵy Oljas Sháripov

Polıtsııa ókiliniń aıtýynsha, birneshe kúnnen keıin bank qyzmetkerleri áıelge habarlasyp, shotynan 5 myń dollardan astam qarajat sheshilgenin aıtqan. Tek sol kezde almatylyq alaıaqtardyń qurbany bolǵanyn túsinedi.

Foto: polisia.kz