Almatylyq áıel ózin qatygezdikpen pyshaqtaǵan jubaıynyń ústinen shaǵymdandy
«Búgin men barlyq qorqynyshymdy jeńip, 2022 jyldyń 21 mamyrynda saǵat 5:30-da Almatyda, bizdiń úıde qyzym ekeýmizdiń basymyzdan keshken sumdyq oqıǵany aıtaıyn dep sheshtim. Qyzym ekeýmiz bir bólmede, bir tósekte, jubaıym zalda uıyqtap jatqan. Jubaıym meni pyshaqtaǵaly jatqan sátinde men oıanyp kettim. Ol bir qolymen meniń aýzymdy basyp, ekinshi qolymen keskilep, moınyma pyshaq suǵyp jatty. Men qarsylyq tanytyp, aıqaılaýǵa tyrystym, aýzymnan qolyn alyp tastaýǵa tyrysyp, julqyndym. Biz edenge quladyq, men aınalamdaǵy barlyq nárseni ustaı bastadym, biraq, ol meni jibermeı, aýzymdy myqtap ustap, pyshaqty maǵan suǵa berdi», – dep jazdy Irına.
Áıel bolǵan oqıǵany kisi óltirýge umtylý dep sanaıdy, biraq, is densaýlyqqa aýyr zııan keltirý baby boıynsha saralanǵan. Irına jubaıy taǵy zııanyn tıgize ma dep qorqady.
Almaty qalalyq polıtsııa departamenti oqıǵany «Densaýlyqqa qasaqana aýyr zııan keltirý» baby boıynsha tergelip jatqanyn habarlady.
«Bul faktini Bostandyq aýdanynyń polıtsııa basqarmasy janyndaǵy polıtsııa bóliminiń qyzmetkerleri tekserdi. Kúdikti, 1993 jyly týǵan V. esimdi azamat dereý ustalyp, ýaqytsha ustaý ızolıatoryna qamaldy. Onyń áreketteri qylmystyq kodekstiń 106-baby boıynsha saralandy. 2022 jylǵy 19 tamyzda qylmystyq is materıaldary aıyptaý aktisimen Almaty qalasynyń Bostandyq aýdanynyń sotyna berildi», - dep habarlady Almaty qalalyq polıtsııa departamentiniń baspasóz qyzmeti.