Almatylyq 80 myńnan astam kásipker salyq jeńildikterin paıdalandy
«Barshańyzǵa belgili, bıyl jeke kásipkerler úshin salyqtyq «demalystyń» úshinshi jyly júrip jatyr (2020 jyldan 2022 jylǵa deıin shaǵyn bıznes sýbektileri salyq tóleýden bosatylǵan). Osy jyldar ishinde olardy 80 myńnan astam kásipker paıdalanyp, tólenbegen salyqtardan shamamen 85 mlrd. teńge únemdedi. Qarajatty óz bıznesin damytýǵa, jańa jumys oryndaryn qurýǵa baǵyttap, jaldamaly qyzmetkerlerdiń jalaqysyn kóterdi», - deıdi Almaty qalasy boıynsha Memlekettik kirister departamentiniń basshysy Qanat Baedilov.
Qazir qalada jumys isteıtin zańdy jáne jeke kásipkerlerdiń sany 306 myńnan asady. Salyq túsiminiń negizgi úlesi nemese 47%-y - saýda, 13%-y - qarjy sektoryna jáne 8%-y - kólik pen qoıma salasynda. Respýblıkalyq bıýdjetke túsetin barlyq túsimderdiń 74%-y - korporatıvtik tabys salyǵy men qosylǵan qun salyǵyna tıesili.
Buǵan deıin bıylǵy birinshi toqsannyń qorytyndysy boıynsha, Almatydan memlekettik bıýdjetke 929 mlrd. teńge salyq túskeni aıtylǵan bolatyn.