Almatylyq 20 óren áskerge attandy
Qalalyq qorǵanys isteri basqarmasynyń baspasóz qyzmeti habarlaǵandaı, Almatydan 20 shaqty áskerge shaqyrylýshy Qazaqstan Respýblıkasy qarýly kúshteri qataryna qabyldandy. Olar Jetigen áskerı bólimshesinde áskerı boryshtaryn óteıtin bolady.
Jastardy úlken ómirge shyǵaryp salýǵa týysqandary men jaqyndary keldi.
«Bul - ár qazaqstandyqtyń boryshy. Ony abyroımen atqarý kerek. Men ózim áskerı qyzmetshi bolamyn dep aldyma maqsat qoıdym. Áskerı boryshymdy ótegen soń QR Qarýly kúshteri qatarynda qyzmet etýdi jalǵastyrǵym keledi», - dedi shaqyrylǵan jastardyń biri Abzal Orazbaı.
Qalalyq ákimdik ókilderi jastarǵa arnaıy syılyqtar tabys etti.
Departament mamany Krıstına Novıkovanyń aıtýynsha, jylyna Almatydan 2000-ǵa jýyq óren Qarýly kúshter qataryna, Shekaralyq qyzmet qataryna, Memlekettik kúzet qyzmeti qataryna shaqyrylady.