Almatyǵa jetkiziletin qant kólemi ulǵaıtyldy
«Men azyq-túlikti kóterme saýda bazarynan alam. Sonyń ishinde qant ta bar. Demalys kúni bazardan qumshekerdi áreń taptym. Baǵasy sharyqtap ketken. Bir keli qant – 800 teńge. Amal joq 25 kelisin 20 myń teńgege satyp aldyq», - deıdi Almaty qalasynyń turǵyny Zına Musaeva.
Almatynyń taǵy bir turǵyny Nurgúl Qanatova úı janyndaǵy dúkenderde qant múldem joq ekenin aıtady.
«Úıge jaqyn birneshe dúkenge bardym. Qant joq. Satýshylar qazir qalada qant tapshy ekenin, dúkenderine áli jetkizilmegenin aıtty. Sondyqtan, shaqpaq qant satyp aldym. Onyń da baǵasy kóterilipti – 675 teńge», - deıdi Nurgúl Qanatova.
Al, Almaty ákimdiginiń málimetinshe, qantqa degen suranysty óteý maqsatynda kásipkerlik jáne ınvestıtsııalar basqarmasy ónimdi jetkizý kólemin arttyrǵan.
«Buǵan deıin kúnine 250 tonnaǵa jýyq qant jetkiziletin. Іri saýda jelilerindegi kóterme baǵa – 420-445 teńge. Búginde Almaty kúnine 300-500 tonna qant alady. Merki, Kóksý, Taraz qant zaýyttarynyń ónimderi iri saýda jelilerine, bazarlarǵa jáne V, S klasty dúkenderge jóneltiledi. Logıstıkaǵa baılanysty qoımalarǵa aıyna 5 myń tonnaǵa jýyq qant jetkizilse, qala turǵyndarynyń qajettiligi 3 300 tonna bolyp otyr», - dep jaýap berdi Almaty qalalyq kásipkerlik jáne ınvestıtsııalar basqarmasy QazAqparat joldaǵan saýalǵa.