Almatyǵa jer silkinisin eskertetin 25 stansa qajet - Baqytjan Saǵyntaev

ALMATY. QazAqparat - Almaty qalasynyń ákimi Baqytjan Saǵyntaev japondyq sarapshymen jer silkinisi týraly aldyn-ala eskertý júıesin ornatýdy talqylady, dep habarlaıdy QazAqparat tilshisi.

«Biz Challenge Co., Ltd bas dırektory Kazýo Sasakımen Almatyda jer silkinisi týraly aldyn-ala habarlaıtyn júıeni ornatý týraly máseleni talqyladyq. Sasakı myrza — seısmıkalyq qaýipsizdikti qamtamasyz etý salasynyń tanymal sarapshysy, jobanyń seriktesi bolýǵa daıyn. Ol álemdegi neǵurlym seısmıkalyq qaýipti aımaqtarda qoldanylǵan qondyrǵynyń artyqshylyqtary týraly aıtty», - dep jazdy Almaty ákimi Instagram-daǵy paraqshasynda.

Baqytjan Saǵyntaevtyń aıtýynsha, Almatydaǵy seısmologııa Instıtýty mamandarynyń málimetine sáıkes qalada 25-35 stansa ornatý qajet.

Aıta keterligi, qaýipti eskertetin zamanaýı júıeler – seısmıkalyq qaýipti aımaqtarda ornalasqan turǵyndarynyń qaýipsizdigin qamtamasyz etetin keshendi sharalardi ajyramas bóligi.