Almatyǵa úsh baǵyttan qorqaýdyń úlken toby sııaqty qarýly sodyrlar lap berdi - Toqaev
«Usynylǵan barlyq faktige qaramastan keıbir derekózderi Qazaqstanda bıliktiń beıbit sherýshilermen kúresi júrip jatqanyn aıtýda. Bul múldem jalǵan aqparat. Biz eshqashan beıbit sherýshilerge qarsy qarý qoldanǵan joqpyz, qoldanbaımyz da. Osyny bilgen Qazaqstanǵa shabýyldaýshylar agressııanyń birneshe tolqynyn jasady», - dedi Memleket basshysy UQShU Ujymdyq qaýipsizdik keńesiniń kezekten tys sessııasynda
Memleket basshysynyń atap ótýinshe, birinshi kezeńde beıbit narazylyqtar boldy. Odan keıin Almatyda saıası mıtıng ótti.
«Sodan soń qalaǵa úsh baǵyttan qorqaýdyń úlken toby sııaqty qarýly sodyrlar lap berdi. Bastapqyda olar ózderin beıbit sherýshiler retinde kórsetti. Quqyq qorǵaý kúshterin, tipti qala turǵyndaryn jańylystyrdy. Al sodan keıin tarıhta Almaty tragedııasy dep atalatyn jaıt oryn aldy», - dedi Qasym-Jomart Toqaev.
Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótip jatyr. Jıyn Qazaqstan tarapynyń bastamasymen shaqyryldy.
Eske salaıyq , QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.