Almatyǵa taǵy 21 myń doza vaktsına jetkiziledi

ALMATY. QazAqparat – Almatyǵa 21 myń doza vaktsına jetkiziledi. Bul týraly qalalyq qoǵamdyq densaýlyq saqtaý basqarmasynyń ókili, telemedıtsına ortalyǵynyń basshysy Laýra Myrzaǵalı onlaın brıfıngide aıtty, dep habarlaıdy QazAqparat tilshisi.

«1 aqpannan sáýirge deıin vaktsınanyń 15 750 dozasy kelip tústi. Birinshi komponent boıynsha 100% ıgerildi. Revaktsınatsııa júrip jatyr. Ekinshi komponent boıynsha 3 810 adam qabyldady»,- deıdi ol.

Sonymen qatar, ol búgin bastapqy medıtsınalyq-sanıtarlyq kómek kórsetetin medıtsınalyq uıymdardyń qyzmeti boıynsha vaktsınanyń 4-transhy 21 860 doza bólindi.

Aıta keteıik, qalanyń ınfektsııalyq statsıonarynda 2 849 adam em qabyldap jatyr. Onyń 107-si bala. Asa aýyr jaǵdaıdaǵy naýqastar sany – 45. Ókpeni jasandy jeldetý apparatynda 8 naýqas jatyr, ókpeni jasandy jeldetýdiń ınvazıvti emes apparatynda – 58 naýqas bar. Jalpy qala statsıonarlarynda 5 myńdaı tósek-oryn daıyndalǵan.

Keshe koronavırýs ınfektsııanyń 515 jańa jaǵdaıy tirkelgen, onyń 434-inde voronavırýs ınfektsııasynyń belgisi bar jáne 81-i sımptomsyz pnevmonııa.