Almatyǵa shetelden ushyp kelgen 21 adamnan koronavırýs tabyldy
14:02, 01 Sáýir 2021
ALMATY. QazAqparat – Naýryz aıynda 21 áýe jolaýshysynan koronavırýs anyqtaldy, dep habarlaıdy QazAqparat tilshisi.
«Naýryzda Almatyǵa 65 myń jolaýshysy bar 449 halyqaralyq áýe reısi keldi, onyń ishinde 4170 adam PTR testileýdiń anyqtamasyz kelgen. Barlyǵy karantın statsıonarlarynda oqshaýlanyp, PTR test jasaldy. Nátıjesinde 21 jolaýshydan koronavırýs indeti anyqtaldy», - dedi brıfıng barysynda Almaty qalasy sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova.
Onyń aıtýynsha, oń nátıje Túrkııa, Birikken Arab Ámirlikteri, Sharm-esh-Sheıhten (Mysyr) kelgender arasynda tirkelgen.
Jalpy, Almatyǵa 2020 jyldyń 6 qazanynan bastap 1568 áýe reısi keldi.
Onyń ishinde PTR testileýdiń teris nátıjesi bar anyqtamamen - 201 660, anyqtamasyz - 25 370 adam keldi.