Almatyǵa Pfizer vaktsınasy qashan jetkiziledi

ALMATY. QazAqparat- Almaty qoǵamdyq densaýlyq basqarmasynyń basshysy Narıman Tabynbaev ortalyq kommýnıkatsılar qyzmetinde ótken brıfıngte Pfizer vaktsınasy qalaǵa qashan jetkiziletinin aıtty, dep habarlaıdy QazAqparat tilshisi.

«Pfizer vaktsınasy tórtinshi toqsanda jetkiziledi dep josparlanǵan bolatyn. Almatyda 20 qazannan keıin bolady degenbiz. Almatyǵa ázirge 130-dan 160 myń dozaǵa deıin vaktsına ákelý josparlanǵan. Biraq Almaty úshin áli de kvota bólý jaǵynan naqtylaý júrgizilip jatyr», - dep jaýap berdi ol ortalyq kommýnıkatsııalar qyzmetinde ótken brıfıngte.

Qalanyń bas sanıtar dárigeri Jandarbek Bekshın balalarǵa Pfizer vaktsınasyn alýǵa bolatynyn tilge tıek etti.

«Almatyǵa Pfizer vaktsınasy ákelinse, biz 306 myń oqýshy men stýdentke vaktsınatsııa jasaı alamyz. Bul ımmýndyq qabatty arttyrýǵa múmkindik beredi. Al ol óz kezeginde aýrý deńgeıiniń tómendeýine áser etetini sózsiz», - dedi Bekshın.

Buǵan deıin habarlanǵandaı, QR Densaýlyq saqtaý mınıstrligi Pfizer vaktsınasynyń 4 mıllıon dozasyn alý týraly kelisimge qol qoıǵan.