Almatyǵa Pfizer vaktsınasy qashan ákelinedi

ALMATY. QazAqparat - Almatyǵa qazan aıynyń sońynda Pfizer vaktsınasy keledi dep kútilýde. Bul týraly onlaın brıfıng barysynda qalalyq qoǵamdyq densaýlyq saqtaý basqarmasy basshysynyń orynbasary Laýra Myrzaǵalı málim etti, dep habarlaıdy QazAqparat tilshisi.

«Biz de Pfizer vaktsınasyn kútip otyrmyz. Qazan aıynyń sońynda bolýy kerek. Biraq ázirge Densaýlyq saqtaý mınıstrliginen jetkizý kestesin alǵan joqpyz. Qazirgi ýaqytta biz klınıkalarmen osy vaktsınany saldyrǵysy keletinderdiń tizimin jasaý boıynsha jumys júrgizip jatyrmyz», - dedi Laýra Myrzaǵalı.

Sonymen qatar, ol Almaty epıdemıologııalyq jaǵdaıdy baǵalaý matrıtsasynda «qyzyl» aımaqta ekenin atap ótti.

Aıta keteıik, sońy táýlikte megapolıste koronavırýs ınfektsııasyn 426 adam juqtyrǵan.

28 qyrkúıek kúni 6 960 almatylyq vaktsına saldyrdy. Koronavırýsqa qarsy ekpeniń І komponentin 2 324, al II komponentin 4 636 adam aldy.