Almatyǵa ottegi kontsentratorlary jetkizildi
Bul bastama QR Prezıdenti Qasym-Jomart Toqaevtyń medıtsınalyq mekemelerdi dári-dármekpen, qural jabdyqpen qamtý boıynsha daǵdarysqa qarsy sharalardy qabyldaý týraly tapsyrmasyn oryndaý aıasynda qolǵa alyndy. Osyǵan baılanysty «Shuǵyla» qory kásipkerler, metsenattar, qarapaıym turǵyndar arasynda ÓJJ apparattaryna qajetti ottegi kontsentratoryn satyp alýǵa qarajat jınaýdy bastaǵan bolatyn. Nátıjesinde 450 mln teńge kóleminde qarajat jınaqtalǵan. Bul qarajatqa 4000 jýyq kontsentrator satyp alynady. Onyń 400-i Almaty qalasyna jetkiziledi.
Búgin birinshi kezeńmen Almatyǵa 543 kontsentrator jetkizilip, onyń ázirge 83-i Almaty medıtsınalyq uıymdaryna jetkizildi. Sonyń ishinde 13 kontsentrator «Nur Otan» partııasynyń múshesi, «DacoMotorsKZ» kompanııasynyń dırektory Nurymbek Taýmen eki medıtsınalyq mekeme - №7 qalalyq klınıkalyq aýrýhana men Modýldik juqpaly aýrýhanaǵa jetkizildi.
Ottegi kontsentratorlary pnevmonııaǵa shaldyqqan naýqastarǵa oksıgenoterapııa júrgizýge óte qajet qural. Búgin Qalqaman shaǵyn aýdanyndaǵy №7 aýrýhana ujymyna 8 ottegi kontsentratory tapsyryldy. «Bizge memleket tarapynan, qoǵamdyq qorlardan dárilik zattar, jeke qorǵanys quraldary sııaqty kómek berilip keledi. Qoǵamdyq uıymdarǵa, qaıyrymdylyq qorlaryna alǵysymyz sheksiz. Búgin bizge «Nur Otan» partııasynyń múshesi, «DacoMotorsKZ» kompanııasynyń dırektory Nurymbek Taý 8 ottegi kontsentratoryn jetkizip otyr. Bul pnevmonııaǵa shaldyqqan naýqastarǵa oksıgenoterapııa jasaý úshin qajet qural», - dedi №7 aýrýhananyń bas dárigeriniń ishki aýdıt boıynsha orynbasary Serikjan Sabyralıev. Onyń aıtýynsha, qazir bul aýrýhanada 763 tósek oryn ashylǵan. Ottegi kontsentratoryna qajettilik álde de kóp. Týra osyndaı ottegi apparattary jańadan ashylǵan modýldik ınfektsııalyq aýrýhanaǵa da berildi.
«Bizdiń gospıtal 18 kúnde salynyp, paıdalanýǵa berilgen bolatyn. Qazir munda 280 naýqas emdelip jatyr. 28 reanımatsııalyq tósek bar. Modýldik gospıtal zamanaýı tehnıkamen tolyq jabdyqtalǵan. Alaıda, ottegi kontsentratory bizge qosymsha kómek bolary sózsiz. Bul – bizdiń emdeý tásilderiniń biri», - dedi jańa gospıtaldiń aǵa dárigeri Maǵaz Muqashev.