Almatyǵa kelip-ketip jatqan reseılikterdiń esebi bar - qala ákimi

ALMATY. QazAqparat – Almatyǵa kelip-ketip jatqan reseılikterdi kóshi-qon qyzmeti baqylaýda ustap otyr. Bul týraly qala ákimi Erbolat Dosaev málim etti, dep habarlaıdy QazAqparat tilshisi.

Bostandyq aýdanynyń turǵyndarymen kezdesý barysynda qala ákimi kóshi-qon polıtsııasy Almatyǵa Reseıden kelgender men ketkenderdiń naqty esebin júrgizetinin málimdedi.

«Bizge kelgen reseılikter 90 kún vızasyz júre alady. Biraq, kelgennen keıin úsh kún ótken soń tirkelýleri kerek. Bul – qajetti norma. Al, páterdi jalǵa berýshiler qajetti habarlama jiberýleri kerek. Jalpy, qaladaǵy ár páter bizdiń baqylaýymyzda. Táýlikke beriletin páterlerde jaǵdaı sál qıyndaý. Bizdiń azamattar qaǵazdarǵa qol qoıa otyryp, kelisimge kele bermeıdi. Biraq, kelgenderdiń barlyǵy esepte», - dedi qala ákimi.

Eske salsaq, QR Іshki ister mınıstri Marat Ahmetjanov BAQ ókilderine elge kirip jatqan reseılikterden shyǵyp jatqandary kóp ekenin aıtqan bolatyn.