Almatyǵa bıyl 54 myńnan astam sheteldik týrıst kelgen
Onyń aıtýynsha, qalaǵa týrısterdi tartý jumystary epıdahýalǵa baılanysty júrgiziledi. Eger kelesi jyly jaǵdaı túzelse, bul jumystar qaıta jandanady.
«2017 jyly qalada ýnıversıada ótti, oǵan qosa elimizde EXPO kórmesi uıymdastyryldy. Sonyń nátıjesinde 2018 jyly Almatyǵa kelgen týrıster sany 1 mln-ǵa jetken edi. 2019 jyly 1,3 mln týrıst keldi. Al 2020 jyly pandemııaǵa baılanysty qalaǵa 400 myńǵa jýyq týrıst qana kelgen. Bıyl ekinshi toqsannan bastap qalaǵa kelýshi týrısterdiń sany artyp, 501 myńǵa jetti. Onyń ishinde sheteldik – 54,2 myń adam, ishki týrıster - 447,2 myńnan astam adam. Jyl sońyna deıin 800 myńǵa deıin jetedi dep otyrmyz», - dedi Maqsat Qıqymov.
Sonymen qatar, ol týrısterdiń qaýipsizdigin qamtamasyz etý maqsatynda taý baǵyttarynyń shalǵaı toraptyq ýchaskelerinde spýtnıktik baılanysy bar (qutqarý jasaqtaryna dabyl berý túımelerimen) jáne taýly jerlerde týrıstik navıgatsııanyń biryńǵaı júıesi engizilgen 15 taý úıshikterin ornatý jumystary aıaqtalýǵa jaqyn qalǵanyn málim etti.
«Memleket basshysynyń kadrlyq áleýetti damytý jónindegi tapsyrmasyn oryndaý úshin gıdter jáne ekskýrsovodtarǵa arnalǵan semınarlar, áýejaı, temirjol vokzaldary qyzmetkerlerine arnalǵan fasılıtatsııalyq trenıngter jáne basqa da biliktilikti arttyrý boıynsha trenıngter uıymdastyrylady. Mysaly, bıyl qyzmet kórsetý salasynyń qyzmetkerleri úshin aǵylshyn tili boıynsha onlaın-kýrstar ótkiziledi. Taýly jerlerde týrıstik ınfraqurylymdy jaqsartý maqsatynda 1000 shaqyrym astam taýly jaıaý soqpaqtar tsıfrlandyryldy,onyń 663 shaqyrymy abattandyryldy. Barlyq tsıfrlandyrylǵan baǵyttar 2GIS jáne ViewRanger platformalarynda qoljetimdi»,- dedi ol.