Almatyǵa azyq-túlik ónimderi jetkizilýde

ALMATY. QazAqparat - Almatyda jappaı tártipsizdik kezinde azyq-túlik óndiretin kásiporyndar zardap shekken joq. Bul týraly Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtaby málim etti, dep habarlaıdy QazAqparat tilshisi.

Qalalyq shtabtyń málimetinshe, Almatyda azyq-túlik qaýipsizdigin qamtamasyz etý jumystary jalǵasýda.

«Búginde 3 naýbaıhana («Aqsaınan»,« Almatynan» jáne «Rýzınan») kúnine 80 tonnaǵa jýyq áleýmettik nan shyǵarady. Bul rette óndiriletin ónimniń baǵasy burynǵy deńgeıde qaldy («Aqsaınan» – 80 teńge/bólke, «Almatynan» – 85 teńge/bólke).

9 qańtardan bastap bakaleıa ónimderiniń iri jetkizýshisi «As-An «fırmasy« JShS (kúnbaǵys maıy, qant, tuz, rojkı, kúrish, arpa, un) ónimdi saýda jelilerine jetkizýdi jańartty, 10 qańtardan bastap Bostandyq (33 dúken) jáne Túrksib (16 dúken) aýdandarynyń «úı janynda« 49 dúkeninde jetkizýdi bastady.

Sút ónimderin óndirýshiler (»Solnechnyı« JShS, «AdalSút« JShS jáne «JLC« JShS, «Fýd Master« JShS, «RG Brands«) jetkizilimderdi shtattyq rejımde júrgizedi.

«Alsad Qazaqstan» JShS men «Alataý Qus« JShS qoımalarda jumyrtqa qorynyń jetkilikti kólemine ıe.

Búginde barlyq saýda jelileri men iri dúkender jetkizilimmen qamtylǵan.