Almatyǵa aınala blokpostar qoıyldy

NUR-SULTAN. QazAqparat – Almaty qalasyna aınala blokpostar qoıyldy. Bul týraly Almaty qalasy komendatýrasynyń aqparat ortalyǵynan málim etti, dep habarlaıdy QazAqparat tilshisi.

Esterińizge, sala keteıik, Memleket basshysynyń Jarlyǵymen elimizdiń aýmaǵynda tótenshe jaǵdaı engizildi.

Tótenshe jaǵdaıdyń kúshinde bolýy kezeńinde mynadaı sharalar men ýaqytsha shekteýler engiziledi:

Qoǵamdyq tártiptiń saqtalýy, asa mańyzdy memlekettik jáne strategııalyq obektilerdiń, sondaı-aq halyqtyń tynys-tirshiligin jáne kólik qyzmetiniń jumys isteýin qamtamasyz etetin obektilerdiń kúzetilýi kúsheıtiledi;

Júrip-turý, onyń ishinde kólik quraldary qozǵalysynyń erkindigine shekteýler belgilenedi;

Jeke tulǵalardyń jeke basyn kýálandyratyn qujattardy tekserý, olardy jeke tekserý, olardyń janyndaǵy zattaryn, kólik quraldaryn tekserý qamtamasyz etiledi;

Beıbit jınalystardy, oıyn-saýyq, sporttyq jáne basqa da buqaralyq is-sharalardy uıymdastyrýǵa jáne ótkizýge tyıym salynady;

Qarý, oq-dári, jarylǵysh zattar, arnaýly quraldar, ýly zattar satýǵa tyıym salynsyn, dári-dármektiń, esirtki zattardyń, psıhotroptyq zattardyń, prekýrsorlardyń, sondaı-aq etıl spırtiniń, alkogol ónimderiniń aınalymyna erekshe rejımi belgilenedi;

Jeke tulǵalardan qarý men oq-dárini, ýly zattardy ýaqytsha alyp qoıý, al zańdy tulǵalardan qarýǵa, oq-dárige jáne ýly zattarǵa qosa áskerı jáne jaýyngerlik oqý tehnıkasyn, jarylǵysh jáne radıoaktıvti zattardy ýaqytsha alyp qoıý qamtamasyz etiledi..

Tótenshe jaǵdaıdyń kezinde qoldanylatyn sharalardyń iske asyrylýyna Qazaqstan Respýblıkasynyń Іshki ister mınıstrligi, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Qorǵanys mınıstrligi, Qazaqstan Respýblıkasynyń Tótenshe jaǵdaılar mınıstrligi jaýapty bolady.