Almatyǵa 26 mln teńgege shaqyrtý alǵan blogerlerge qatysty Іlııas Óserov túsinik berdi

ALMATY. QazAqparat – Almaty ákiminiń orynbasary Іlııas Óserov onlaın brıfıng barysynda megapolıske 26 mln teńgege shaqyrylatyn sheteldik blogerlerge qatysty túsinik berdi, dep habarlaıdy QazAqparat tilshisi.

«Menińshe, buǵan qoǵam qatty alańdaıtyn sııaqty. Shyn máninde, bul ımıdj kóteretin shara dep aıta almaımyn. Desekte, pandemııaǵa qaramastan biz týrızmdi, kreatıvti ekonomıkany jáne IT salasyn damytýymyz kerek. Sondyqtan, týrıstik áleýetti damytý sheńberinde bul qarajat sheteldik blogerlerdi shaqyrý úshin qarastyrylǵan. 26 mln teńgeni jumsaı otyryp, biz jaqsy negiz qura alamyz. Sonymen qatar, mýltıplıkatıvti áser etetin týrısterdi shaqyra alamyz dep oılaımyn «, - dep jaýap berdi ol.

Buǵan deıin, qalalyq týrızm basqarmasy Almatyǵa 26 mıllıon teńgege sheteldik blogerler shaqyrylatyny týraly málim etken.

Maqsat - qalanyń halyqaralyq jáne ishki naryqtardaǵy brendterin álemge tanytý.